غرامي البخور والطيب وأموت على العطور العربية والدخون. بوريكم مجموعتي وفي مجموعة ثانية يايه بالطريج بس هذي المقدمة
ماشاءالله
بسم الله
أول واحد شاريته من الماجد للعود بالخبر اسمه مبسوس الماجد
ريحته حلوة وتصلح لوقت العصاري والمغرب
ما أتذكر سعره للأسف
الثاني عود بالمسك من أم عبدالله السليطي بقطر
ريحته حلوة لوقت الظهر وخاصة بعد الطبخ
مثل ما تشوفون خالص ماشاءالله
الثالث والرابع هذول غنيين عن التعريف، دخون ياس من الامارات سعره بحدود 21 دينار والثاني عود ملكي من القرشي
دخون ياس ريحته غريبة ومو الكل يتقبلها بس شنو ثااااااااااابت وبالذات اذا بخرتوا الكبت يقعد ثلاث أيام عالاقل والله ما أبالغ وميزته إن ريحته ما تقلب حطب نفس أغلب البخور
وبخور القرشي حلو للبيت بس مو ثابت وب 17 وغالي عليه صراحة.
الأسود على اليمين بخور معمول من الشايع، ريحته وييييع ريحة سمن 
واللي بالنص معمول صلالة من دار الطيب بالمباركية ريحته نفس صابون تايد، حليو وسعره أظن ب 3 دنانير
والأخير عود مطيب من الجزيرة، ريحته نفس العود الأزرق بس ما عجبني صراحة للملابس لان يخلي ريحتهم حطب وكميته وايد شوي على سعره 20
أول وآخر مره أشتريه
وآخر بخور واللي كله أكرره، بخور استبرق من أصغر علي. شكله نفس فيريرو روشيه، يهبل بس عيبه يتفتت ولازم ينحط بعلبة
سعره جنه ب 100 ريال
وإن شاءالله في جزء ثاني للبخور بحطه لكم بعدين
No comments:
Post a Comment