Rausch Hair Tonic Review
السلام عليكم ورحمة الله وبركاته
مرت علي فترة شعري كان يطيح خصل خصل خصل، لدرجة اني لما أحط
ايدي بشعري، اشوف الشعر بإيدي، شنو السبب؟ الله أعلم بس أتذكر كان عندي نزيف وبنفس الفترة كنت استعمل حمام زيت فاتيكا مرة أسبوعيا لكن أتوقع السبب المباشر كان استخدامي لتونك كامينوموتو واللي استعملته لفترة ما زادت عن أسبوعين وبعدها فجأة قطعته.
المهم، هالمنتج أنا سألت الموظفة تعطيني تونك للتساقط ويصلح للحوامل لأن كنت مخططة على الحمل بس صراحة بعد ما حملت ما بقى منه إلا ربع العلبة بس خفت استعمله ووقفته.
سعره ب 7 دنانير اذا مو غلطانة لان شاريته من فترة.
التقييم: 8\10
أول أسبوع لاحظت التساقط خف بنسبة 75% ماشاءالله واستعمله مرة يوميا قبل النوم وبعد الشاور مباشرة قبل او بعد تجفيف شعري، أهم شي نطروا عليه يجف ساعة او ساعتين وريحته حلوة نفس الشامبو,
أنا استعملته لمدة شهر ونص أو شهرين وقطعته بسبة الحمل مثل ما ذكرت وماشاءالله التساقط خف بشكل كبير جدا ولله الحمد.
الشركة سويسرية وهالمنتج شجعني أجرب المنتجات الثانية اللي عندهم بس إن شاءالله بعد الولادة.
دعواتكم لي بتيسير ولادتي
السلام عليكم
ReplyDeleteانا شعري تساقط فيه فراغات كثيرة وصاير خفيف مرة والشعرة موثقيلة بحكم تجربتك بمنتجات للشعر شنو تنصحيني استعمل ارجو الرد
احسن نوع استخدمتيه وطلع لك الشعر كله شنو
ReplyDeleteمن وين ماخذته!!
ReplyDeleteموجود في سوق دوت كوم
ReplyDeleteهل يناسب الحوامل ؟؟؟
ReplyDelete